Ornette Coleman

Dr Randolph Denard Ornette Coleman (* 9. Merz 1930 z Fort Worth, Texas; † 11. Juni 2015 z Nöi York^[1]) isch e amerikanische Dschäss-Musiker gsi. Er het vor allem Altsaxofon, gläägentlig au Tenorsaxofon, Drumbeete und Giige gspiilt und komponiert. Er gältet as e Pionier vom Free Jazz und het in de 1970er Joor drus d „Harmolodii“ entwigglet. Er het zu de erste ghöört, wo Free Funk gspiilt häi.

Dr Coleman isch vo 1954 bis 1964 mit der Dichtere Jayne Cortez verhürootet gsi und si häi e Sohn gha, dr Denardo Coleman, wo spööter Schlagzüüger worde isch.

1. ↑ Ornette Coleman, Jazz Innovator, Dies at 85